Modelja Emina Cunmulaj është shumë aktive në rrjetet sociale, teksa poston shpesh video nga përditshmëria e saj.
Me anë të postimeve ajo ka treguar shpeshherë mirësinë që e karakterizon. Pak ditë më parë, ajo habiti të gjithë ndjekësit, teksa vendosi t’i presë flokët të shkurtra.
Por, kjo nuk lidhej thjesht me pamjen fizike, pasi Emina na tregoi me anë të një videoje se arsyeja është shumë më domethënëse: ajo i dhuroi flokët e saj për një person që lufton me kancerin.
Megjithatë, humanizmin e modeles e kemi parë prej kohësh, teksa ajo i është bashkuar fondacionit “Fundjavë Ndryshe” për t’u ardhur në ndihmë mijëra familjeve në nevojë.
E pikërisht bamirësia është motivi që sjell Eminën sërish në Tiranë, teksa më 3 qershor ajo së bashku me Arbër Hajdarin do të zhvillojnë një takim të hapur me tema “Rëndësia e bamirësisë”.
Aktiviteti mbahet në sallën e madhe të Katedrales Ortodokse, në orën 16:45.
