Pas arrestimeve të vazhdueshme të qytetarëve të Kosovës nga ana e institucioneve të Serbisë, vjen edhe reagimi i menjëhershëm nga Ministria e Jashtme e Kosovës.
Me anë të një deklarate për mediat, Ministria e Jashtme e Kosovës këshillon qytetarët që të tregojnë kujdes dhe maturi kur kalojnë në territorin e Serbisë.
“Ministria e Punëve të Jashtme vlerëson se Serbia nuk është më një territor, i cili ofron as siguri minimale për integritetin e tyre fizik dhe juridik, dhe as për familjarët e tyre. Për rrjedhojë, sugjerohet evitimi i përkohshëm i qarkullimit përmes këtij vendi”, thuhet në komunikatë.
“Një numër i tyre madje edhe është keqtrajtuar fizikisht dhe psikologjikisht”, thuhet më tej në reagim.
Lëvizja e lirë parashihet me njërën nga marrëveshjet që Kosova dhe Serbia kanë arritur në kuadër të dialogut, për normalizimin e marrëdhënieve.
