I plagosuri i atentatit në Poro të Vlorës, Eno Mata, ka dhënë dëshminë e tij para hetuesve për ngjarjen e ndodhur në orët e para të mëngjesit, ku mbeti i vrarë 22-vjeçari Sotiraq Mëhilli.
Ai është shprehur se vrasësit qëlluan me kallashnikov mbi të dhe shokun e tij ndërsa ishin duke lëvizur me motorr.
“Dolën nga ferrat papritur dhe na qëlluan me kallashnikov”, tha ai.
Mata akuzohet për vrasjen e një avokati grek, ndërsa shton se porosia për ekzekutimin e tij është bërë nga Athina.
“Unë nuk kam bërë asnjë vrasje, vetëm kam bërë vjedhje në bankë. Jam dënuar për këtë punë. Atje më kanë ngatërruar me një anëtar të një bande. Prandaj më kanë qëlluar”, deklaroi i plagosuri.
