Një ditë më parë opozita organizoi protestën e 6 kombëtare, e cila zgjati rreth 2 orë e 30 minuta dhe ndryshe nga 5 të para nuk pati përplasje me policinë. Deputetja Rudina Hajdari ka reaguar për protestën dhe është shprehur mirënjohëse ndaj pjesëmarrësve që realizuan një protestë paqësore.
Më tej deputetja shton se përpjekja për hapjen e negociatave vazhdon në javët e ardhshme.
“U jam mirënjohëse të gjithë atyre që morën pjesë në protestën e mbrëmshme dhe mbajtën një protestë paqësore. Ndërsa vazhdon përpjekja për hapjen e negociatave në javët e ardhshme, kjo betejë është në emër të të gjithë qytetarëve, pavarësisht nga përkatësia e tyre partiake”, shkruna Hajdari.
