“Këtu jam!”, është kjo shprehja që Monika Kryemadhi ka zgjedhur të mbajë sot në bluzën e saj në protestën e opozitës së bashkuar.
Mesazhi në fjalë është shkruar në anglisht “Here I am”, i stampuar në rozë, duke dashur të tregojë fuqinë femërore, ndërsa mesazhi duket se i drejtohet qeverisë Rama, për të cilën Kryemadhi kërkon të largohet, si për të thënë që qytetarët nuk kanë frikë por kanë zgjedhur të përballen me të.
Kjo është protesta e gjashtë kombëtare e opozitës, e cila kërkon largimin e Ramës, krijimin e një qeverie tranzitore dhe zgjedhje të parakohshme.
Duke folur për kamerat gjatë marshimit drejt godinës së Kryeministrisë, kryetarja e LSI-së tha se protestat e kanë dhënë tashmë mesazhin dhe efektin e tyre, ndërsa ftoi qytetarët që protesta të jenë paqësore.
