Opozita jo parlamentare ka paralajmëruar se do të zhvillojë sot protestën e 7-të kombëtare.
Ndërkohë, Policia e Shtetit ka marrë masa për të parandaluar çdo incident të mundshëm.
Si në protestat e mëparshme, godina e Kryeministrisë është e rrethuar me gardh metalik, Parlamenti është rrethuar veç hekurave edhe me tela me gjemba për të ndaluar tentativat e mundshme të protestuesve për të hyrë brenda, ndërsa shtyllat janë lyer me graso.
“Në pikat ku janë zhvilluar protestat në vijimësi në këto 3 muaj, është ndaluar parkimi i automjeteve, që të rritet siguria e qytetarëve dhe të mos ketë dëmtime në pronën e tyre. Me një plan të veçantë masash, komisariatet në Tiranë kanë bërë kontroll nëpër dyqane në Tiranë, për të parë nëse tregtojnë mjete piroteknike, të cilat tashmë ndalohen edhe me ligj”, thuhet në njoftimin e Ministrisë së Brendshme.
