Sipërmarrësi Flamur Hoxha kërkoi nga qeveria rritje pagash për shqiptarët, në mënyrë që ata të mos largohen nga vendi.
I ftuar në emisionin “Ekopolitikë”, Hoxha shprehet se do ishte në dobi të ekonomisë nëse sipërmarrja do të kishte mundësi të bënte mbylljen e ciklit, që produktet të eksportohen.
“Largimi i shqiptarëve nga vendi ka arritur në atë që quhet sikur papunësia është ulur. Që të arrish ti mbash shqiptarët në Shqipëri, duhet të arrijmë në atë që unë ia kam thënë shpeshherë politikës, se kjo politikë na ka bërë ne më shumë zot për veten jo për qeverinë sepse na pyesin, por nuk na dëgjojnë, ose nuk bëjnë atë që ne themi që duhet bërë. Kemi arritur në atë shkallë që ne sipërmarrja të bënim mbylljen e ciklit, që ne të eksportonim. Ky produkt të bën dhe pak krenar kur eksportohet jashtë. Dhe më e rëndësishmja, pagat t’i rrisësh në atë mënyrë që shqiptarët të mos largohen”, tha Hoxha.
