Zv/ministri i Brendshëm, Besfort Lamallari ka folur në lidhje me grabitjen e miliona eurove në aeroportin “Nënë Tereza”.
I ftuar në emisionin “Top Talk”, Lamallari u shpreh se vjedhja në Rinas cenoi sigurinë kombëtare.
“U cenua siguria kombëtare, u cenua siguria në një nyje nevralgjike të vendit tonë, siç është aeroporti i vetëm ndërkombëtar në Shqipëri. Duhet të kuptojmë pse ndodhi kjo”, tha Lamallari.
Ndërkohë, ministri i Brendshëm, Sandër Lleshaj nga foltorja e Kuvendit e konsideroi një incident, supergrabitjen e të martës në Rinas, për të cilën tha se nuk e ka rrëzuar sigurinë kombëtare, por e ka cenuar atë.
