Rudina Hajdari ka shpërthyer në akuza mjaft të forta kundër mazhorancës, dhe raporteve që ata publikojnë për arritjet e qeverisë. Ajo gjithashtu u ndal tek negociatat për në BE, ku renditi disa fakte që sipas saj, tregojnë se Shqipëria nuk është më mirë se më parë.
“Ëndrrat janë bërë të vështira. Duhet të themi të vërtetën. Disa burokratë që kanë lakun në fyt, dhe bëjnë një raport për Komisionin e BE. Po a janë të vërteta ato që thuhen? Vitin e kaluar në 26 qershor KE dha një deklaratë dhe na dha detyra kryesore për çeljen e negociatave. Raporti flet ndryshe. Tregon që kemi rezultate të jashtëzakonshme. Por a jemi vërtet ne përfaqësuesit më të denjë të zgjedhur nga populli? Për mua jo”, ka deklaruar deputetja e opozitës.
Më tej Hajdari rikujtoi nga foltorja e Kuvendit edhe raportin famëkeq të DASH, i cili nxori në pah problemet kryesore të Shqipërisë, që sipas Hajdarit, janë të drejta dhe të prekshme nga çdo qytetarë shqiptarë. Lidhur me këtë, Hajdari trajtoi rastin e Eskobarit të Ballkanit, Klement Balilit. Sipas saj, ai është i preferuari i Gjykatës.
“Rasti më i papranueshëm është i Klement Balilit. Ai trajtohet si i preferuari i Gjykatës. Eskobari i Ballkanit, trajtohet kaq mirë nga Prokuroria. Reforma në drejtësi. Edhe pse është etiketuar si arritje, nuk ka pasur asgjë të prekshme nga qytetarët. Nuk kemi parë as edhe një afat kohor përfundimtar për sistemet e drejtësisë”.
Rudina Hajdari: Shqipëria duhet të plotësojë 5 kushtet, Balili trajtohet si i preferuari i gjykatës
