Policia po kryen një operacion në fshatin Dritas, me qëllim kapjen e grabitësve të djeshëm në Rinas.
FNSH dhe forcat RENEA kanë kryer sot kontrolle të imtësishme në disa fshatra pranë Rinasit, por deri më tani nuk ka ende asnjë person të arrestuar.
Në terren ka zbritur edhe vetë drejtori i policisë kriminale, Tonin Vocaj si edhe ai i Durrësit, Alfred Çepe. Pak më parë, doli në konferencë për shtyp ministri i Brendshëm, Sandër Lleshaj, i cili fajësoi koncesionarin lidhur me grabitjen e djeshme.
