Deputetja e Partisë Demokratike Rudina Hajdari ka kërkuar që deputetet në sallë ta mbajnë një minutë heshtje në nder të masakrës së 2 prillit në Shkodër, që të nderojnë kujtimin e 4 martirëve të demokracisë, Bujar Bishanakun, Arben Brocin, Nazmi Kryeziun dhe Besnik Cekën. Fill pas propozimit të saj deputetët u ngritën në këmbë dhe mbajtën një minutë heshtje.
Kjo kërkesë është pranuar nga kreu i Parlamentit, Gramoz Ruçi, i kërkoi deputeteve të ngrihen në këmbë në shenjë respekti për 4 viktimat. “U prehshin në paqe”, tha Ruçi, teksa vijoi punimet normale të Parlamentit.
2 prill shënoi një ndër revoltat më të mëdha popullore në vend. Pikërisht pas zgjedhjeve të marsit, edhe pse ishte rrëzuar busti i Enver Hoxhës në Tiranë disa muaj para, shteti autoritar vazhdonte të ishte në këmbë.
