Ministri i Brendshëm, Sandër Lleshaj teksa njoftoi shkarkimin e drejtorit të Policisë së Shkodrës, Vehbi Bushatin, dhe emëroi në vend të tij Niko Brahimajn, u shpreh në një moment se “qytetarët nuk kanë pse të ndihen të sigurtë”, pavarësisht vrasjeve të vazhdueshme që kanë ndodhur kohët e fundit.
Siç dëgjohet edhe në video, Lleshaj korigjohet nga drejtori i Përgjithshëm i Policisë, Ardi Veliu.
“Më falni, qytetarët nuk kanë pse të ndihen të pasigurtë. Nuk ka hapësirë për shqetësimin e sigurisë për qytetarët e Shkodrës”, korigjon ministri.
Ministri i Punëve të Brendshme, Sandër Lleshaj shkoi në qytetin e Shkodrës, pas atentatit të rëndë ndaj dy vëllezërve Bilali sot në lagjen Kiras.
