Ka shkuar në 19 numri i diplomatëve të shkarkuar, pas nismës së ndërmarrë nga ministri në detyrë për Europën dhe Punët e Jashtme, Gent Cakaj. Sot janë shkarkuar nga detyra edhe tre diplomatë të tjerë të Ambasadave të Shqipërisë, në disa vende të botës.
Mësohet se bëhet fjalë për diplomaten Blerta Derhemi, pjesë e misionit shqiptar në BE, e cila do të kthehet në Tiranë. Artur Porpollogu, konsull në Ambasadën Shqiptare në Athinë, konsullja e Shqipërisë në Danimarkë Marsela Xhixho, ndërsa bëhet me dije do të lirohet nga detyra edhe konsulli në Hungari Marin Meksi, i cili do të transferohet në Tiranë.
Ministria ka sqaruar se këto shkarkime vijnë për shkak të emërimeve nepotike, dhe punësimit të parregullt në shërbimin diplomatik.
