Lionel Messi nga shumë legjenda të futbollit cilësohet si lojtari më i kompletuar i të gjitha kohërave. Por ylli argjentinas kur bëhet fjalë për më të mirin nuk e lartëson asnjëherë veten nga Cristiano Ronaldo, rivali i tij “i përjetshëm”.
Në një intervistë dhënë radios “94.7 Club Octubre”, ylli i Barcelonës ka deklaruar. “Sot ka shumë lojtarë të mirë. Neymar, Mbappe, Suarez, Hazard, çdo kush nga këta mund të bëhet lojtari më i mirë në botë. Nuk e citova Ronaldon sepse ai është në një nivel me mua”.
Më pas Messi flet për Ronaldon dhe ka fjalë nostalgjike për të. “Ka qenë bukur të luajë kundër tij dhe pse më ka bërë të vuaj. Bezdisesha shumë kur e shikoja që ngrite lart kupat me Realin. Do të ishte shumë bukur sikur të vijonte të ishte në Spanjë. Kam shumë respekt për Juven, është një skuadër shumë e fortë me lojtarë shumë të mirë dhe mbi të gjitha ka Ronaldon”!
