Kryeministri Rama, në fjalën e marrë gjatë seancës parlamentare ka folur për bilancet e Policisë së Shtetit, për rezultatet të cilat ai i cilëson mjaft pozitive. Duke iu refeuar me shifra konkrete, kryeministri deklaroi se shumë është bërë, ndërsa premtoi se edhe më shumë punë do të bëhet, si për ndërperjen e kultivimit të kanabisit dhe për situatën kriminale.
“Shqipëria është një vend më i sigurt se 5 vite përpara. Por, kush merr popullin për budalla gabon. Policia e Shtetit vihet në shënjestër në mënyrë të pandërprerë. Devijoi rrugën furgoni, shoferi ishte në gjende të dehur, s’pati asnjë të plagosur. Lajm në televizionet kombëtare, mbushin boshllëqet në një kazan që zien dhe arrijnë kulmin kur shfaqet Niçja, Babalja, apo shoku i tyre, Ervin Salianji.
Më vjen shumë mirë që përsëri sot, nuk jemi në vend numëro, nuk mjaftohemi me sa kemi arritur por konfirmojmë se ç’ka kemi arritur është thjesht një shtysë për të shkuar më tutje. Vetëm në dy muajt e parë të këtij viti, janë referuar 60 raste për pastrim parash dhe janë sekuestruar 8.2 milion euro. Në total, ajo ç’ka është vlerë e sekuestruar parash nga krimi i organizuar në këto 5 vite, është shumëfish i vlerës së sekuestruar në 8 vitet e qeverisjes të atyre që nuk arrijnë dot më të qeverisin vetveten”.
Rama foli edhe për incidentin me bojën e zezë ndaj Ministrisë së Bredshme, ku tha se PD gjen alternativa për të qenë në qendër të vemendjes në mediat e huaja.
“Kryefjala e gjithë shqetësimeve që kemi dëgjuar gjatë përgatitjeve së fushateve ka qënë kriminaliteti. Kjo nuk është mëse e vërtetë, pasi kur ne zhvilluam fushatën për mandatin e dytë, jo vetëm që kriminaliteti nuk ishte kryefjala e shqetësimeve, por policia ishte institucioni më i besuar publik.
Ne përpiqemi të përmirësojmë dhe nuk mjaftohemi me çfarë kemi bërë. Krime kundër personit, ato të cilit ishin bërë aryeja e stresit në të gjithë territorin e Shqipërisë, kur ne na u besua detyra, në vitin që lamë pas shënuam shifrën më të ulët të 29 viteve statistika të Policisë së Shtetit. Ato ishin sa gjysma e vrasjeve me dashje që shënoheshin në kohën kur ata që sot për turpin e tyre hodhën bojën e zezë në Ministrinë e Brendshme.
Boja mbi muret e Ministrisë së Brendshme është një produkt që do përflitet nga tregu ndërkombëar i medias, ku nuk janë pak për fat të keq. Eurokadrinjtë që ngjajnë me kadrinjtë lokal, dhe për më tepër ata janë të pafajshëm se pak dinë nga Shqipëria, duhet të ushqejnë median me lajme sensacionale. Po ashtu, plagosjet e rënda janë në rënie. Vjedhjet me dhunë janë reduktuar me 60 përqind. Nga 269 vjedhje me dhunë në 2013, në 103. Verprat penale të shkatërrimit të pronës me eksploziv edhe ato janë në ulje, jo aq sa do donim të ishin”.
TIRANA TODAY
