Më herët u raportua për përfshirjen nga flakët të një apartamenti në zonën e “Kinostudios”, në Tiranë. Zjarri ka rënë në katin e katërt të një pallati pranë Komisariatit numër 4.
Në momentin e rënies së zjarrit, në banesë ndodheshin dy fëmijë. Ata janë shpëtuar nga zjarrëfikësit, të cilët sapo janë sinjalizuar, kanë shkuar me urgjencë në vendngjarje.
Sakaq, një 15-vjeçare, si pasojë e asfiksisë është dërguar në spital. Dyshohet se zjarri ka rënë si pasojë e pakujdesisë.
Në pamjet e mëposhtme shihet se si 15-vjeçarja e lidhur me litar, zbritet dy kate më poshtë, ku dritarja ishte e hapur.
