Moderatorja Arjola Shehu, ka rrëfyer se pas largimit nga Klan, ka pasur një ofertë nga “Top Channel” për të drejtuar një emision gjatë paradites, por e ka refuzuar.
Këtë e ka bërë publike vetë ajo përgjatë një interviste në emisionin “Thumb”, ku theksoi se programi i ofruar nuk i përshtatej.
“Kam refuzuar të drejtoj një program që nuk më përshtatej, pasi u largova nga ‘Tv Klan’. Pata disa propozime të tjera për të bërë një emision paradite. Unë mendoj se nuk është momenti që të ndaloj me formate të tilla. Kam për të përjetuar gjëra të tjera përpara se të bëhem zonjë shtëpie. Ishte një propozim për të qenë në ‘Top Channel’, por nuk u konkretizua në fund fare”, tha Arjola.
Mesa duket moderatorja që dikur prezantonte emisionin “Kush vjen për drekë” dëshiron që të përjetojë gjëra të reja përpara se të bëhet një zonjë shtëpie.
