Kryetarja e LSI-së, Monia Kryemadhi është treguar e qartë se tani është ajo që e drejton parinë dhe presidenti Ilir Meta nuk mund të ndërhyjë. Po ashtu ajo ka refuzuar që të komentojë deklaratat e Metës dhe u shpreh e bindur për pozicionin që ka opozita.
“Nuk e komentoj fare presidentin. Opozita është në pozicionin e saj”, theksoi zonja Kryemadhi.
A keni folur me presidentin për këtë krizë?
“Zoti Fevziu ju i keni më shumë shanset për të folur me të për krizën. Për politikë komunikimi është zero, si bashkëshortë flas për fëmijët. Si kryetare e LSI asnjëherë. Sot LSI ndihet më e shëndetshme e më përpara. Unë nuk bëj politikë me Ilir Metën, bëj dashuri. Sot jam unë kryetarja e LSI, i marr unë vendimet.”
