Një shqiptar, i identifikuar si Sokol Rahshta, 45-vjeç, ka rënë nga shkallët prej një lartësie 3 metra, e për pasojë ka ndërruar jetë.
Mësohet se ngjarja ka ndodhur ditën e djeshme, por shqiptari ka humbur jetën sot në spital.
Rahshta, së bashku me punëtorë të tjerë, po punonte për të larguar nga një çerdhe pemët e rrëzuara për shkak të erërave të forta në Pistoia, Itali, incident që ka rezultuar fatal për jetën e 45-vjeçarit.
Ai u dërgua me urgjencë në spital për të marrë shërbimin mjekësor, por për shkak të frakturave që kishte pësuar në kafkë, nuk mundi të mbijetonte.
