Kryeministri Edi Rama po zhvillon një dëgjesë me banorët e Pukës. Një zonjë ka habitur Ramën, teksa ka marrë fjalën, ku ka folur për hallet e saj.
Gruaja ka thënë se shan çdo ditë kryebashkiakun e Pukës, Gjon Gjonaj, për të cilin tha se e ka hequr nga puna, por po punëson të rinjtë që të mos largohen nga vendi.
Më tej, zonja kritikoi Ramën që largoi Ditmir Bushatin, për të cilin kryeministri ka zgjedhur të mos përgjigjet.
Gruaja ka kërkuar që Rama të hapë disa vende pune, e më tej, nëse ai nuk fiton, nuk do të jetë problem, gjë që ka shkaktuar të qeshura mes të pranishmëve.
Zonja: Kur flasim keq, shajmë me nanë e me motër. Unë Gjonin e shaj me motër. Gjoni nuk na ka zhgënjy fare. Kryebashkiakët e tjerë kanë shku në Tiranë, janë kompletu. Ky ka ardh i kompletum, gruja i ka vdek, dy fëmijë i ka në Amerikë. Ohoho, është në terezi! Me shkollë të mesme, me palestër, me konvikt, me spital, më të sëmurë dilshim se erdhshim. E kuptove deri këtu?
E kemi votu pa e njoft Gjon Gjonin. Ti Ditmirin vetëm prej emrit mos me e pas heq si ministër. Kam dy kërkesa, Puka punon në verë dhe rri si arusha në dimër. E dyta dona kokën e Gjon Gjonit me e vu kryetar bashkie. Fatkeqësi që është në këtë moshë, ta kishim 40 vjeç të paktën. Puna është me hap nja 100 vende pune stabël. Edhe po s’fitove, na lë këtë që kemi, ik ti.
Pse t’u dhimbs kërpudha ty që ta prishën? Unë jam e shkurtume prej pune që 3 vjet, por nuk mundem me fol keq se tan dojnë me hangër. Gjonin e shaj natë e ditë me nanë e me motër, por a e di si është puna? Është mundu me fut rininë në punë mos me u largu.
Rama: Problemi kryesor është se ka punë dhe nuk gjen punëtorë se përgjithësisht duan me punu në shtet. Ajo që do bëjmë me Gjonin, është të ndërtojmë rrjet grumbullimit plus bimë medicinale, që pastaj ato të dalin në treg ose të eksportohen. Ajo që duhet të bëjmë është agroturizmi plus një park aventure për të shfrytëzu të gjithë zonën këtu. / Tirana Today
