Një nga burrat që ka akuzuar Michael Jackson për abuzim seksual në dokumentarin kushtuar mbretit të popit, është ekspozuar si ish i dashuri i mbesës së këngëtarit. Brandi Jackson zbuloi në rrjetin social “Twitter” se ka qenë e lidhur me Wade Robson për 7 vite dhe se ka qenë pikërisht Michael Jackson ai që i ka prezantuar me njëri-tjetrin. Ajo e cilësoi Wade Robson mashtrues.
“Robson dhe unë kemi qenë së bashku për më shumë se 7 vite, por këto gjëra nuk i ka thënë në dokumentar sepse do të shkatërronte dëshmitë e tij. Dhe ishte xhaxhai im Michael Jackson ai që na prezantoi. Robson nuk është viktimë. #WadeRobsonështëgënjeshtar”-shkroi ajo.
Robson u shfaq në dokumentarin “Leaving Neverland”, që doli më 19 janar në festivalin e filmit “Sundance” në Utah. Në këtë dokumentar që zgjat 4 orë, Wade Robson ka rrëfyer së bashkur me James Safechuck historinë e abuzimit seksual, të ndodhur sipas tyre në vitet ’90.
Pas vdekjes së këngëtarit, të dy ngritën padi civile kundër Jackson Estate, por u hodhën poshtë nga një juri në vitin 2017 pasi vendosën se kjo e fundit nuk mund të mbante përgjegjësi për sjelljen e Michaelit.
