Kryeministri Edi Rama, përmes një postimi në ‘Twitter’ deklaron nesër mazhoranca do të votojë mbylljen e basteve.
Po ashtu kreu i qeverisë ka paralajmëruar edhe reagime ndaj opozitës, e cila edhe nesër nuk do të jetë në Kuvend.
Ditën e nesërme do të shkojë në Kuvend Ligji për lojërat e fatit, i cili i hap rrugë mbylljes së aktiviteteve të kazinove dhe basteve pas 31 dhjetorit.
“Nesër në Kuvend për Ligjin që ndalon Bixhozin(kazino, baste sportive,baste për gara qensh, kuajsh,luftra gjelash,off apo online, pa asnjë përjashtim)! E po nesër dhe ca fjalë për Lloto Opozitën e për bastet e gjysmagjelave të kazanit politik të baltës së shpifjeve e të akuzave?”, shkruan Rama.
