Një ditë më parë ka dalë në gjyq përpara autoriteteve gjermane shqiptari, Ervin K. 38-vjeç. Ai është akuzuar për furnizim me drogë të qytetit Dresden, në Gjermani. Por shqiptari ka kyçur gojën dhe nuk ka thënë asgjë përpara autoriteteve. Sipas shtypit gjerman, ai njihet si baron i drogës në këtë qytet.
223 kilogramë marihuanë dhe 13.5 kilogram heroinë, është sasia e lëndës narkotike e cila është sekuestruar nga viti 2012 deri 2014, dhe në të gjitha rastet prokurori akuzon Ervin K. se ka qenë i përfshirë.
Por në rastet shumë të rralla, ai e kontrabandonte veten. Në pjesën më të madhe ai ka vepruar si koka e grupit.
Të dhëna për baronin e drogës janë mbledhur nga Shqipëria, Greqia
Republika Çeke dhe Gjermania. Këtu, në të paktën tre raste është zbuluar se ai ka dërguar sasi të mëdha drogë për për Ammar R. 25-vjeç, vëllai i raperit KMN Ali “Nash” R. 26-vjeç.
Ammar u dënua me pesë vjet e gjysmë burg, këtë vit nën akuzën përfshirje në trafikimin e drogës.
Ai tani po dëshmon kundër Ervinit si dëshmitar.
Në Königsbrücker Straße, tregtarët vendosën në një apartament të ashtuquajtur bunker: Atje, policia gjeti 15 pako, ku secila kishte brenda 500 gram heroinë.
Ervin u arrestua në vitin 2017, dhe aksioni kundër tij kishte qenë i komplikuar. Për pjesën më të madhe të akuzave, hetuesit mbështeten në rezultatet e telefonatave të përgjuara.
Burimi: tag24.de
Përshtati: Tirana Today
