Task Forca Speciale “Forca e Ligjit”, ka bërë pjesë të saj tre prokurore të qytetit të Fierit, të cilat duhet të hetojnë korrupsionin dhe krimin e organizuar.
Prokuroret do të përballen me vazhdimësi me krimin e organizuar, korrupsionin dhe veprat e tjera të rënda penale në nivele të larta në Fier
Nga 5 kandidatë, përfundimisht është vendosur që tre prokuroret të cilat do të duhet të kërkojnë arrestimin e zyrtarëve të korruptuar në rrethin e Fierit janë; Suela Beluli, Ervisa Hyka dhe Englantina Shehu.
Nga burime pranë organit qendror të akuzës është mësuar se puna e tyre do të përqendrohet në pastrimin e parave, korrupsionin, shpërdorimin e detyrës nga zyrtarët shtetërore, trafiqet e paligjshme dhe ndaj krimit të organizuar.
