Departamenti i Shtetit bllokoi një ish-anëtari të parlamentit shqiptar i ka ndaluar hyrjen në SHBA, duke e bërë atë zyrtarin e dytë të atij vendi që i mohohet aksesi, raporton “The Wall Street Journal”.
Uashingtoni ka thënë se ka ndaluar deputetin Tom Doshi, një ish-anëtar socialist i parlamentit shqiptar, në bazë të një ligji të vitit 2017 për zyrtarët për të cilët Departamenti i Shtetit “ka informacion të besueshëm” se ata ishin të përfshirë në korrupsion të rëndësishëm ose shkeljet e të drejtave të njeriut. Departamenti gjithashtu mohoi hyrjen e bashkëshortes dhe fëmijëve të zotit Doshi.
Pretendimet për korrupsion datojnë në kohën kur Doshi ishte pjesë e parlamentit e shkuar, tha një zëdhënëse e Departamentit të Shtetit përmes një emaili. Ajo nuk pranoi të jepte të tjera detaje, duke thënë në përgjithësi se korrupsioni shkakton kosto të konsiderueshme në ekonomi, shoqëri dhe në siguri. Duke sfiduar besimin në sundimin e ligjit, ajo dëmton interesat e SHBA-së për sigurinë kombëtare, ekonomike dhe të politikës së jashtme, si dhe ato të vendeve partnere, tha ajo.
Sipas mediave shqiptare, Doshi ka mohuar akuzat për korrupsion dhe konfirmoi që ka aplikuar për vizë në SHBA. Nga ana tjetër, Ambasada shqiptare në Uashington, D.C., nuk iu përgjigj një kërkesë për reagim.
Partia Socialiste e Shqipërisë e dëboi Doshin nga grupi i vet në vitin 2015. Ambasada e SHBA në Tiranë e mirëpriti këtë vendim në atë kohë, duke dhënë edhe një deklaratë ku thuhej se ai “dyshohej se ishte i përfshirë në veprimtari kriminale”. Autoritetet shqiptare arrestuan Doshin pasi ai pretendonte se Meta, aso kohe kryeparlamentar kishte paguar që ai dhe një tjetër deputet të vriteshin. Kryetari i parlamentit mohoi gjithçka.
Para Doshit, iu ndalua hyrja në SHBA edhe ish-prokurorit të përgjithshëm shqiptar, Adriatik Llalla, gruas së tij dhe dy fëmijëve, duke cituar të njëjtin ligj të vitit 2017. Llalla kishte thënë në përgjigje të pyetjeve me email se nuk kishte dijeni për provat kundër tij, por fajësoi çështjen në një mosmarrëveshje me ambasadorin e SHBA në Tiranë. TIRANA TODAY
