Përmes gazit lotsjellës, është ratifikuar marrëveshja e demarkacionit. Me 80 vota pro dhe 11 kundër, Kosova i jep Malit të Zi 8200 ha. ndërkohë, Vetëvendosja me pretendimin se kjo marrëveshje është një ‘tradhti ndaj vendit’, tentoi ta pengonte në katër raunde. Si pasojë, 7 deputetë u përjashtuan nga Kuvendi.
Gazetarët Ilir Babaramo, Aleksandër Çipa dhe analisti Ben Andoni analizojnë për Tirana Today çështjen e demarkacionit. Sipas tyre ky është një haraç që duhet ta paguajë Kosova me qëllim heqjen e vizave. Edhe pse, BE ka vendosur edhe kriterin e luftës kundër korrupsionit, sipas analistit Andoni, ajo do të mbyllë sytë.
Ndërkohë, gazetari Ilir Babaramo, e cilëson dhënien e tokave, si “papërgjegjshmëri dhe çmenduri”. Sipas tij, federata të krijuara si Bashkimi Europian mund të dobësohen, por kombi qëndron aty.
Gazetari Aleksandër Çipa, e lidhi me situatën në Shqipëri, sa i takon marrëveshjes së detit me Greqinë. Ai thotë për Tirana Today, se lufta nuk bëhet për sipërfaqen e detit, por për nëndetin. Sipas tij, Greqia mendohet të dalë më e fituar se Shqipëria. Tirana Today
