Presidenti i Komisionit Evropian, Jean Claude Juncker dhe eurokomisioneri Johanes Hahn ndodhen në një vizitë zyrtare në Tiranë.
Pas takimit me dyer të mbyllura në kryeministri, Rama dhe Juncker më pas kanë folur në konferencë për mediat, ku krahas adresimit të problematikave, nuk kanë munguar edhe batutat mes tyre.
Ka qenë Rama ai që ka folur i pari në konferencën, ndërsa u shpreh: “Keqardhje, që nuk arritëm dot t’ju presim me një kohë mesdhetare, megjithatë është një mënyrë për tu bërë në ndiheni njësoj si në Bruksel “shi, gri, mërzi”.
Ndërsa Juncker iu përgjigj Ramës me fjalët: “Erdha në Tiranë për t’i shpëtuar shirave të Brukselit, por më duket se po gjej përsëri klimën e Brukselit”. Por ajo që shkaktoi të qeshura ishin fjalët e Junckerit, i cili tha para mikrofonit:“Faleminderit shumë! Por jam i uritur”( I’m hungry).
Përfaqësuesit e lartë evropianë do largohen nesër pasdite nga Shqipëria, për të vazhduar turin e takimeve në vendet e tjera të Ballkanit.
