Radiotelevizioni publik i Serbisë ka nxjerrë emra nga ish-ludtëtarët e UÇK-së që mund të burgosen nga Gjykata Speciale.
Nuk dihet nëse burimet e RTS-së janë të sakta, por ai thotë se ka bashkëpunuar me portalin e Kosovës “Insajderi”.
Sipas RTS-së, bëhet jalë për 60 vetë dhe në krye të tyre qëndron vëllai i kryeministrit Ramush Haradinaj, Dauti, dhe ish-shefi i shtabit të përgjithshëm të UÇK-së, Azem Syla.
Sipas RTS-së, Haradinaj pritet të hetohet për rastin e 40 trupave të serbëve, shqiptarëve dhe romëve të gjetur në liqenin e Radoniqit, në vitin 1999.
Radio televizioni serb thekson më tej se Prokuroria e Krimeve të Luftës në Beograd, i ka dërguar Prourorisë Speciale të Kosovës një dosje që flet për 500 serbë të vrarë pas vitin 2000, ku akuzon ish-pjesëtarë të UÇK-së që më pas hynë në politikë.
Bie në sy bashkëpunimet që media të ndryshme serbe kanë me disa sosh në Prishtinë, ku shpesh kanë të njëjtat tituj, të njëjtat faqosje dhe të njëtën mënyrë së ndërtuari ngjarjen.
Por për këtë do të flasim një herë tjetër.
