Goditet grupi kriminal që vidhte automjete në Tiranë! Në sajë të operacionit të koduar “Kamionçina”, 4 persona kanë rënë në pranga, pasi vidhnin mjete në Tiranë e më pas i dërgonin në një servil në fshatin Blliçe, Peshkopi.
Konkretisht, personat e arrestuar janë:
– Ferit Dauti, 44 vjeç, banues në Blliçe Dibër (i dënuar më parë);
– Mehmet Dauti, 20 vjeç, banues në Blliçe Dibër;
– Ervis Dauti 19 vjeç, banues në Blliçe Dibër;
– Hasan Elezaj, 49 vjeç, banues në Tiranë (i dënuar më parë );
Ata u kapën si rezultat i një pune policore disa mujore, ku u zbulua dhe dokumentua me prova ligjore veprimtaria e grupit kriminal që vidhnin automjete dhe më pas i çmontonin për pjesë këmbimi.
Në servisin e shtetasit Ferit Dauti, në fshatin Blliçe të Peshkopisë, u gjetën dhe u sekuestruan në cilësinë e provës materiale 3 mjete dhe pjesë të disa makinave të tjera. Në sajë të punës hetimore të mirëorganizuar u dokumentua me prova ligjore se këta shtetas janë autor, të:
– Ngjarjes të ndodhur në 3 mars 2017, ku gjatë natës në rrugën “Sitki Çiço” kanë vjedhur mjetin tip “Benz”;
– Ngjarjes të ndodhur në 13 gusht 2017, ku në rrugën “Arkitekt Sinani”, është vjedhur mjetin tip “Benz”;
– Ngjarjes të ndodhur 7 shtator 2017, ku në rrugën “Selman Riza“, është vjedhur mjeti furgon tip “Benz”;
– Ngjarjes të ndodhur në 23 tetor 2016, ku në rrugën “Myslym Keta”, kanë vjedhur mjetin furgon tip “Benz”;
– Ngjarjes të ndodhur në 23 tetor 2017, ku kanë vjedhur automjetin tip kamionçinë ‘Mercedes Benz’.
