Steve Jobs ishte një nga sipërmarrësit dhe shpikësit më të mëdhenj. Në vitin 1976 ai themeloi Apple së bashku me mikun e tij Steve Wozniak. Ata krijuan kompjuterin e tyre të parë, Apple I, në garazhin e prindërve të Jobs.
Pasioni i tij për të lënë “një gjurmë në univers” dhe lëvizja e tij drejt përsosmërisë absolute bëri që ai të revolucionarizojë 6 industri; telefona, muzikë, filma të animuar, PC, tableta dhe botime digjitale.
Këtu janë disa nga thëniet më të bukura të Steve Jobs që do t’ju inkurajojnë të jetoni jetën e ëndrrave tuaja.
“Mos lejoni që mendimet e të tjerëve të mposhtin zërin tuaj të brendshëm.”
“Për mua nuk është e rëndësishme të jem njeriu më i pasur në varreza. Të shtrihem në shtrat në mbrëmje duke thënë se kam bërë diçka të mrekullueshme … kjo është ajo që ka vërtet rëndësi për mua.”
“Kreativiteti është thjesht lidhja e gjërave.”
“Kini guxim të ndiqni zemrën dhe intuitën. Ato e dinë se çfarë dëshironi të bëheni. Çdo gjë tjetër është dytësore.”
“Ju nuk mund t’i lidhni pikat duke parë përpara; ju mund t’i lidhni ato vetëm duke parë pas. Pra, duhet të keni besim se pikat do të lidhen në një mënyrë të caktuar në të ardhmen tuaj.”
“Ndonjëherë kur zhvillohesh, bën gabime. Është mirë t’i pranosh shpejt dhe të vazhdosh me përmirësimin e risive të tjera.”
“E thjeshta mund të jetë më e vështirë se e ndërlikuara: Duhet të punosh shumë për të qartësuar mendimet. Por ia vlen në fund, sapo të arrish ta bësh, do mund të lëvizësh edhe malet.”
“Koha juaj është e kufizuar, prandaj mos e humbisni duke jetuar jetën e dikujt tjetër.”
“Bëhu një matës i cilësisë. Disa njerëz nuk janë përdorur në një mjedis ku pritet të arrihet përsosmëria.”
“Të kujtoni që do të vdisni është mënyra më e mirë që unë di për të shmangur kurthin e mendimit që keni diçka për të humbur. Ju tashmë jeni të zhveshur. Nuk ka asnjë arsye për të mos ndjekur zemrën.”
“Duhet të digjeni nga një ide, një problem, apo një gabim që dëshironi të shkojë mirë. Nëse nuk jeni mjaft të pasionuar që në fillim, nuk do tia dilni kurrë.”
“Bëhu budalla. Do të mbetesh i uritur.”
“Kur rritesh, ke tendencën të thuash se bota është ashtu siç është dhe se ti duhet të jetosh jetën tënde brenda kësaj bote. Përpiqu të mos përplasesh shumë me muret. Mundohuni të krijoni një jetë të mirë familjare, të argëtoheni, të kurseni pak para. Kjo është një jetë e kufizuar. Jeta do të jetë shumë e gjerë sapo të zbulosh se: Gjithçka rreth teje është bërë nga njerëz që nuk ishin më të mençur se ti. Dhe ju mund ta ndryshoni atë, mund ta influenconi atë … Sapo ta mësoni këtë, nuk do të jeni kurrë i njëjti përsëri,”- Steve Jobs. (TIRANA TODAY)
