Kuvendi nisi seancën e dytë për ditën e sotme, ku pritet të zgjidhet kryetar i Parlamentit, Gramoz Ruçi. Ndërkohë paraditen e sotme u zhvillua seanca e parë e parlamentit të ri, e cila u drejtua nga Besnik Bare, si deputeti më i vjetër.
Ndërsa pas verifikimit të mandatave të deputetëve nga Komisioni do të bëhet votimi për Ruçin. Ish-kreu i grupit parlamentar socialist, Gramoz Ruçi është kandidat i vetëm i propozuar nga PS dhe nuk pritet që të ketë surpriza, pasi socialistët i kanë votat. Ai ka mbështetjen e të gjithë deputetëve të PS, ndërsa PD dhe LSI, si opozitat e Kuvendit të ri, kanë paralajmëruar votën kundër.
