Rezultatet e sondazhit të parë për votën e qytetarëve të Fierit i realizuar nga Ora News dhe IPR Marketing rendisin forcë të parë Partinë Socialiste, dytë Partinë Demokratike dhe pas saj vjen Lëvizja Socialiste për Integrim.
Partia Socialiste do të merrë 54.7% të votave ose 9-10 mandate deputetësh.
Krahasuar me 2013, PS ka një rritje në përqindje. Në 2013 kishte marrë vetëm 44.2%.
Partia Demokratike do të merrte vetëm 24.7% ose 4-5 mandate. Në 2013 demokratët kishin marrë 22.9%.
LSI ka marrë vetëm 9.6% të votave ose 1-2 mandate. Në 2013 mori 9.7% të votave.
LIBRA e Blushit ka marrë 3.6% të votave ose 0-1 mandate.
PDIU 3% të votave ose 0-1 mandate. Kjo parti ka një rënie krahasuar me 2013 ku kishte marrë 4.5% të votave.
Rënie ka shënuar edhe PR që merr vetëm 1% të votave nga 1.9% në 2013, por nuk kalon pragun elektoral bashkë me partitë e tjera të vogla, të cilat nuk marrin asnjë mandat deputeti.
