Kryetari i Partisë Demokratike, Lulzim Basha pritet të falsë në “çadrën e lirisë” për zgjedhjet në Kavajë. Më herët kreu i PD-së Basha kishte deklaruar se në orën 19:00 do të mblidhte grupin e deputetëve dhe drejtuesit vendorë të PD-së në Kavajë për protestën. Por pas daljes së Ramës me deklaratën për tërheqje, Basha ndryshon strategji. Basha kishe llogaritur më parë deputetët që do të merrnin pjesë në organizimin e protestës në Kavajeë. Deputetët e përzgjedhur nga Basha ishin; Edi Paloka, Arben Ristani, Flamur Noka, Albana Vokshi, Luçiano Boçi.
Kryeministri Rama pak minuta më parë deklaroi se tërheq kandidatin e PS-së për Kavajën, Klodian Shehin. Gjithashtu është i gatshëm që të pres opozitën deri më 7 maj për zgjidhjen e ngërçit politik në vend. Pas kësaj date Rama tha se nuk do ta pres më opozitën por do futur në fushatën ë zgjedhjeve të 18 qershorit.
Burime nga PD deklarojnë se janë konfuzë se çfarë do të bëjnë pas kësaj tërheqje taktike të Ramës. Tani pritet fjala e Bashës, cila do jetë lëvizja e radhës e kryedemokratit.
