Ditën e sotme janë konfirmuar 8 raste të reja me COVID-19 në Kosovë duke e çuar numrin total të të infektuarve në 71.
Kujtojmë se para disa ditësh një person ndërroi jetë në Kosovë si pasojë e koronavirusit.
Sipas një komunikate të IKSHPK-së, rastet e reja që u regjistruan janë raste kontakti, prej të cilëve 4 raste janë me vendbanim në fshatin Domanek- Malishevë, 3 raste me vendbanim në Prishtinë dhe 1 rast me vendbanim në fshatin Studime e ulët-Vushtrri.
“Nga data 08.02.2020 deri me 25.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 766 mostra të dyshimta në virusin SARS-CoV-2 dhe prej tyre, gjithsej shtatëdhjetë e një (71) raste kanë rezultuar pozitive, me një (1) rast të vdekjes i një të moshuari 82 vjeç”, thuhet ndër të tjera në njoftimin e bërë publik.
