Mbyllja e kufijve të Shqipërisë si pasojë e COVID-19 ka krijuar një situatë kaotike për qytetarët e mbetur jashtë vendit dhe që duan të rikthehen në shtëpitë e tyre.
Prej më shumë se 20 ditësh, 50 emigrantë shqiptarë vijojnë të presin në doganën e Kapshticës dhe mes tyre ka fëmijë, gra, të moshuar dhe të sëmurë, të cilët po qëndrojnë jashtë në temperatura të ulëta shkruan “Dosja.al”.
Ata pretendojnë se nuk janë rezidentë në Greqi.
Disa ditë më parë Presidenti Ilir Meta kërkoi që ky problem të zgjidhej sa më parë.
Kujtojmë se deri më tani koronavirusi ka shkaktuar 20 viktima në Shqipëri. Ndërkohë pozitivë me COVID-19 rezultojnë 333 raste.
