Drejtoria e Policisë Vlorë dhe ajo e Migracionit, në bashkëpunim me Delta Force, Njësinë Speciale FNSH Fier dhe Guardia di Finanza, vijuan operacioni masiv në të gjithë territorin e Qarkut Vlorë për parandalimin, evidentimin, goditjen e kultivimit dhe trafikimit të lëndëve narkotike.
Rezultatet e operacionit duken minimalsite përballë nivelit shumë të lartë të angazhimit të strukturave të policisë.
Gjatë operacionit është sekuestruar një sasi me lëndë narkotike prej 140 kg në Delvinë, janë bllokuar e sekuestruar 2 mjete lundruese në fshatin Pish-Poro dhe janë evidentuar e asgjësohen 70 bimë narkotike në Gjormë, Vlorë.
Gjithashtu është bërë shoqërimi i katër personave me të cilët po punohet për zbardhjen e ngjarjeve.
