Kreu i Shtetit, Ilir Meta, aktualisht po zhvillon një mëngjes pune me ambasadorët e vendeve të Bashkimit Europian në Shqipëri. Takimi ka nisur rreth orës 09:00 në Presidencë, ndërsa tema kryesore e diskutimit është nisma e opozitës parlamentare, mbështetur nga shumica socialiste për hapjen e listave dhe koalicionet.
Presidenti Meta është pozicionuar kategorisht kundër, por PS-ja është e vendosur se ndryshimet kushtetuese do të miratohen në datë 30 korrik në Kuvend.
Ambasadorët e vendeve të BE dhe ambasadorja e SHBA në Tiranë, përshëndetën votimin e marrëveshjes në Kuvend, dhe thanë se ajo i hap rrugë anëtarësimit të Shqipërisë në BE.
Kuvendi miratoi ditën e djeshme me 99 vota pro, 6 kundër dhe 4 abstenim marrëveshjen e arritur mes Partisë Socialiste dhe opozitës jashtëparlamentare.
Miratimi i kësaj marrëveshje kërkonte një shumicë prej 84 votash, ku mazhoranca nuk i kishte e vetme dhe për këtë gjë kërkoi “ndihmën” e opozitës në Parlament, duke i dhënë garanci për kërkesën e tyre për ndryshimet kushtetuese dhe hapjen e listave.
