Pavarësisht studimeve dhe teknologjive, një metodë 100% e sigurt për të njohur se kush genjen nuk ekziston.
Në të vërtetë, psikologu Aldert Vrij, nga Universiteti i Portsmouth (Britani e Madhe), ka zbuluar se mesatarisht njerëzit e kuptojne një gënjeshtër vetëm në 56.6% të rasteve.
Por edhe nëse zbulimi i një gënjeshtari nuk është aspak i lehtë, njeriu mundet të paktën të provojë, duke kërkuar shenja të përpjekjes që bën për të fshehur të vërtetën. Këtu, sipas psikologut Richard Wiseman, janë 5 shenjat e nervozizmit që kanë nevojë për vëmendje.
1. Gënjeshtarët trillojnë histori që nuk kanë ndodhur kurrë, për pasojë ata kanë tendencë të distancohen nga gënjeshtra dhe rrallë i referohen vetvetes, duke përdorur një gjuhë jopersonale. Prandaj ata rrallë përdorin fjalë si “Unë” dhe “e imja”, dhe preferojnë “e tij” dhe “e saj” ne vend te emrit te tyre.. Ata mund të thonë, për shembull, “… pasi kushëriri i tij mendoi se …” në vend të “… pasi kushëriri im …”.
2. Meqenëse gënjeshtra është kërkuese, gënjeshtarët duhet të përqendrohen dhe për rrjedhojë kanë tendencë të mos lëvizin shumë krahët ose këmbët e tyre dhe të gjestikulojnë pak. Prandaj, duhet të tregohet kujdes nëse dikush papritmas bëhet i palëvizshëm.
3. Gënjeshtarët shpesh janë më hezitues se ata që thonë të vërtetën dhe kanë tendencën të ngaterrohen me fjalët. Kujdes nga ata që përdorin shumë herë si “mmmm …” ose “eeee …” ose ngatërrojne termat me njëri-tjetrin.
4. Për shkak se gënjeshtarët duhet të mendojnë se çfarë të thonë përpara se të flasin, ata priren të zgjaten më shumë për t’u përgjigjur. Vëmendje për ata që bëjnë shumë pushime
para se të thonë fjalën e tyre.
5. Gënjeshtarët zakonisht shfaqen edhe më evaziv, pasi shmangin përgjigjen e pyetjeve sa më shumë të jetë e mundur, mbase duke ndryshuar temën ose duke bërë pyetje me radhë.
