Koronavirusi ka shkaktuar 463 viktima në Itali, ndërkohë kryeministri Giuseppe Conte, i gjendur përballë kësaj situate të pazakontë, ka marrë një vendim drastik.
Ai ka shpallur të gjithë Italinë “zonë të kuqe” dhe ka deklaruar se do të merren masa kufizuese në të gjithë vendin.
Përgjatë një deklarate mediatike, Conte theksoi se numri i të infektuarve dhe viktimave nga COVID-19 po rritet me shpejtësi, ndërsa bëri apel që të gjithë qytetarët të ndryshojnë zakonet e tyre si dhe të kufizojnë udhëtimet.
Kujtojmë se në Shqipëri deri më tani janë konfirmuar dy raste me koronavirus.
