E diel, 1 Gusht, 2021
23.5 C
Tirana

Dy rastet me koronavirus/ Manastirliu: Kur dalin përgjigjet e familjarëve

Në studion e emisionit “Opinion”, Ministrja e Shëndetësisë Ogerta Manastirliu ka shpjeguar në mënyrë të detajuar, historikun e 2 rasteve të identifikuara me koronavirus në Shqipëri.

“2 rastet janë paraqitur në një spital jo publik dhe janë drejtuar menjëherë të telefonojnë në numrin 127. Ata kishin temperaturë, diarre, këputje muskujsh. Kanë telefonuar në numrin 127 dhe Urgjenca Kombëtare ka vajtur në banesën e tyre, kanë marrë tamponët përkatës dhe janë çuar në laborator. Atyre u është këshilluar të qëndrojnë në shtëpi deri në momentin e daljes së analizave dhe pas analizave janë marrë në telefon”, ka treguar Manastirliu.

E pyetur nga gazetari Blendi Fevziu, nëse janë analizuar familjarët e personave të prekur, Ministrja tha se analizat bëhen në bazë të një protokolli të raportuar nga OBSH, sipas një protokolli që përcakton se mostrat u merren personave me histori udhëtimi apo simptoma.

Manastirliu: Ne kemi identifikuar një rast i cili ishte importuar dhe një kontakt i ngushtë i tij.

Fevziu: Po familjarët e tjerë?

Manastirliu: Ata janë një familje e madhe dhe menjëherë është ngritur alerti për të bërë të gjithë hartëzimin e kontakteve.

Fevziu: Me sa persona?

Manastirliu: Është një listë dinamike ka filluar me 14 persona.

Ndërkohë gazetarja Juli Xhokaxhi, ka pyetur ministren lidhur me persona të tjerë, që mund të jenë infektuar nga 2 të identifikuarit e parë, duke qenë se ata kishin edhe një bar.

Manastirliu: Bari është mbyllur, është bërë dezinfektimi i ambienteve të barit dhe ambienteve të përbashkëta në shkallë.

Xhokaxhi: Klientët që kanë qenë prezentë, si do bëhet?

Manastirliu: Puna ka filluar që mbrëmë për të gjurmuar gjithë kontaktet, duke filluar me kontaktet e ngushta.

Lexo edhe :   Kosovë, mbi 70 raste të reja me koronavirus
Lexo edhe :   Ekspertja britanike: Koronavirusi nuk doli nga laboratori në Wuhan

E pyetur se kur pritet të dalin përgjigjet e familjarëve të dy personave të prekur, Ministrja tha se pritet që të ketë një përgjigje brenda mesnatës. /Opinion.al

- Reklama -

Më shumë nga kategoria




Të fundit

SHBA sanksionon më shumë zyrtarë kubanë për shtypjen e protestave

Administrata e Presidentit Biden ka vendosur sanksione ndaj forcave policore të Kubës dhe dy udhëheqësve të saj pas protestave të fundit në vendin ishull...

Maqedonia e Veriut mund të rekomandojë dozën e tretë të vaksinës

Maqedonia e Veriut nuk e përjashton mundësinë e aplikimit të dozës së tretë të vaksinës kundër koronavirusit pasi, siç tha ministri i Shëndetësisë, Venko...

Izraeli akuzon Iranin për sulmin vdekjeprurës në cisternat e naftës

Izraeli ka akuzuar Iranin se qëndron pas një sulmi ndaj një cisternë nafte në të cilën u vranë dy anëtarë të ekuipazhit, një shtetas...

Pranoi plagjiaturën, bie popullariteti i kandidatit për kancelar në Gjermani

Kandidati potencial për të zvendësuar Kancelaren Angela Merkel, në Gjermani Armin Laschet ka kërkuar falje pasi ka përdorur plagjaturë në librin e tij. Laschet, në...

Manaj i pafat, portieri i Shtutgartit i mohon golin e radhës me Barçën (Video)

Rei Manaj e nisi nga stoli miqësoren e sotme që Barcelona luajti në Gjermani kundër rivalëve të Shtutgartit. Sulmuesi shqiptar u aktivizuar vetëm në minutën...