Bashkia e Devollit gdhihet e rrethuar nga forca të shumta policore, pasi kryebashkiaku i ri ka mbërritur në ambientet e saj që në orën 6:30.
Eduard Duro, kryebashkiaku i ri i Devollit, i dalë nga zgjedhjet e 30 qershorit, u has me vështirësi që në ditën e parë kur u paraqit në godinën e bashkisë pasi e gjeti derën të kyçur. Kjo ngjarje u pasua me protesta nga ana e simpatizantëve demokratë pasi socialistët u detyruan ta hapin me forcë derën e kësaj bashkie.
Teksa mëngjesin e sotëm mësohet se Duro ka pozicionuar 30 policë të Forcave Speciale në ambientet e brendshme të institucionit.
Nga ana tjetër, opozita ka paralajmëruar sërish protesta kundër kryetarit të ri të kësaj bashkie, teksa mësohet se kanë nisur të grumbullohen para bashkisë mbështetësit e parë opozitarë.
