30 mjekë dhe infermierë shqiptarë janë nisur ditën e sotme në drejtim të Italisë, e cila prej javësh është gjunjëzuar nga koronavirusi.
Qeveria shqiptare ka treguar solidaritet në këto ditë të pazakonta për shtetin fqinj që ka pësuar humbje të shumta në njerëz për shkak të COVID-19.
Lidhur me këtë vendim të qeverisë, ka reaguar edhe Presidenti Ilir Meta.
Ky i fundit në një postim në rrjetin social Facebook pohon se “këto sakrifica do ta forcojnë edhe më shumë marrëdhënien e shkëlqyer midis dy vendeve”.
Reagimi i plotë i Metës: “Mirënjohje dhe krenari për 30 mjekët dhe infermierët tanë, të cilët do shërbejnë në rajonin më të prekur nga pandemia në Italinë fqinje. Ky solidaritet dhe këto sakrifica do ta forcojnë edhe më shumë marrëdhënien e shkëlqyer midis dy vendeve e popujve tanë”.
