Blutë e Elbasanit kanë prangosur një 29-vjeçar, pasi ka goditur një mjek dhe e ka kërcënuar. Shtetasi me iniciale K.G., ka goditur mjekun me iniciale Sh. K., 55 vjeç në urgjencën e spitalit të Elbasanit. Policia po heton për zbardhjen e rrethanave të ngjarjes.
“Goditi dhe kanosi mjekun në krye të detyrës, vihet në pranga nga policia 29-vjeçari. Specialistët për Hetimin e Krimit në Komisariatin e Policisë Elbasan, arrestuan në flagrancë shtetasin K.G., 29 vjeç, banues në Elbasan.
Pasi në urgjencën e spitalit Elbasan, ka goditur dhe kanosur me fjalë mjekun e gatshëm shtetasin Sh.K., 55 vjeç, banues në Elbasan.
Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme proceduriale”, njofton policia.