E premte, 3 Dhjetor, 2021
13.5 C
Tirana

23 akuzat ndaj Berishës/ Fatos Klosi: I përfshirë në çdo ngjarje që ka tronditur vendin, Haxhia do e fundosë

Rëndohen akoma edhe më tepër pozitat e ish-kryeministrit Sali Berisha. Ish-truproja e tij, Izet Haxhia ka dorëzuar një padi, duke e bërë përgjegjës ish-kryeministrin Berisha për plot 23 ngjarje që kanë tronditur Shqipërinë gjatë këtyre 30 viteve demokraci.

Marrja në pyetje e Haxhisë nga Prokuroria për Krimet e Rënda është një sinjal se gjërat po lëvizin, pasi ai e ka shoqëruar Berishën në të gjitha këto ngjarje. Haxhia e akuzon ish-kryeministrin për vrasjen dhe zhdukjen e biznesmenit shqiptaro-maqedonas Remzi Hoxha, përmes SHIK-ut nën drejtimin e Bashkim Gazidedes, grushtin e shtetit të ndodhur dy ditë pasi u vra ish-deputeti Azem Hajdari në 14 shtator të vitit 1998, krijimin e firmave piramidale, vrasjet e 2 prillit ‘99, etj.

Por përveç Haxhisë, një tjetër emër që ka dijeni për disa nga këto ngjarje është ish-kreu i Shërbimit Informativ Shtetëror, Fatos Klosi. Në një prononcim për gazetën “SOT”, Klosi ka folur dje për padinë e Haxhisë, duke theksuar se Berisha është i përfshirë në shumicën e ngjarjeve. “Absolutisht, që në disa prej ngjarjeve të listuara nga Izet Haxhia, për mua padyshim që Sali Berisha ka dorë. Nuk habitem, pasi Berisha e ka pasur metodë punë këtë”, deklaroi ai.

Zhdukja e Remzi Hoxhës dhe 14 shtatori ‘98 dora e Berishës

Ish-kreu i Shërbimit Informativ Shtetëror, Fatos Klosi vijoi më tej në prononcimin për gazetën “SOT”, teksa akuzoi ish-kryeministrin Sali Berisha se është ideatori dhe urdhëruesi i zhdukjes së biznesmenit shqiptaro-maqedonas Remzi Hoxha. Madje, Klosi bëri përgjegjës Berishën edhe për grushtin e shtetit të vitit 1998, duke deklaruar se shfrytëzoi vrasjen e ish-deputetit Azem Hajdari për të përfituar kredo politike.

Sipas tij, marrja në pyetje e Izet Haxhisë nga Krimet e Rënda është një lajm i mirë për të gjithë shqiptarët që presin drejtësi për të gjitha këto ngjarje. “Marrja në pyetje e Izet Haxhisë nga Krimet e Rënda është një ogur i mirë. Sa i takon akuzave që ai i adreson për Sali Berishën mendoj se janë akuza të dëgjuara, si në korridoret e politikës, ashtu edhe në kallaballëk. Por ky rast është interesant, pasi Izeti ka diferencën se i njeh këto 23 ngjarje si pjesëmarrës në to. Kështu që, deklaratat e tij janë shumë më të rëndësishme se sa opinionet që qarkullojnë.

Lexo edhe :   Ka vetëm një kënd që e bën takimin e 11 dhjetorit

Por për të 23 ngjarjet në fjalë, për të cilat Izeti akuzon Berishën, sidomos për disa, sikundër rrëmbimi i Remzi Hoxhës apo deri tek grushti i shtetit të vitit 1998, ato janë konsideruar se janë dorë e Berishës qysh kohë më parë. Pra, këto nuk janë gjë e re, por nga ana tjetër edhe unë pajtohem që Berisha ka gisht në to. Megjithatë, risia tani është se duke qenë se Izet Haxhia ka qenë dëshmitar okular ose pjesëmarrës në këto ngjarje, normalisht duhet të jetë më i besueshëm se sa opinionet. Pastaj i takon organeve kompetente të bëjnë diferencën”, u shpreh ai.

Lexo edhe :   Ka vetëm një kënd që e bën takimin e 11 dhjetorit

Ja pse dëshmia e Haxhisë duhet dëgjuar nga prokuroria

Duke u ndalur tek dëshmia që ish-truproja e Sali Berishës është duke dhënë në Prokurorinë e Krimeve të Rënda, Klosi theksoi se ajo është shumë e rëndësishme. Në këtë kontekst, Klosi u shpreh se dëshmia e Izet Haxhisë duhet të merret në konsideratë nga organi i akuzës, pasi sipas tij, ai jo vetëm që ka qenë dëshmitar okular në këto ngjarje, por dëshmia e tij, mund të jetë kyçe dhe të vulos fatin e këtyre dosjeve të bujshme, gjithmonë nëse do shoqërohet edhe me prova nga ana e Haxhisë.

“Fakti që prokuroria si në rastin konkret ajo e Krimeve të Rënda është vënë në lëvizje një vit më pas, pasi sikundër thatë ju që ky kallëzim është bërë nga Haxhia një vit më pas, është gjë e mirë. Pra, unë mendoj se Izet Haxhia është një person që duhet dëgjuar nga institucioni i akuzës. Pastaj e ka në dorë ajo që të bëjë diferencën se çfarë thotë njëri dhe çfarë thotë tjetri. Por mendoj se Haxhia duhet dëgjuar, pasi është një personazh i rëndësishëm dhe dëshmitar në gjithë këto ngjarje”, nënvizoi ish-kreu i SHISH, Fatos Klosi./Gazeta SOT

 

- Reklama -

Më shumë nga kategoria




Të fundit

Bora dhe Semi do të “hakmerren” ndaj Donaldit në “Për’puthen Prime”

Puthjet e Donaldit me Beatrixin, kanë shkaktuar një bum komentesh në rrjet. Fansat janë ndarë në grupe, ndërsa ende nuk ka patur një reagim...

Sfida mes një intelektuali që kërkon të vërtetën dhe një politikani që gënjen

Nga: Andi Bushati Ka një aksiomë të mirënjohur që shpjegon përplasjen e një politikani me një intelektual në arenën publike: Sipas saj, i pari tenton...

S’donte të bënte vaksinën, italiani shkoi me krahun prej silikoni

Disa mund të akuzohen se po përpiqen t'i shmangen sistemit për të marrë një certifikatë vaksine, por mbase askush nuk është aq i shkathët...

S’ka më lavazhe e servise makinash poshtë pallateve!Veliaj tregon masat e reja

Kryebashkiaku i Tiranës, Erion Veliaj, gjatë një dëgjese të zhvilluar me ministren e Mjedisit dhe Turizmit, Mirela Kumbaro, dhe përfaqësues të institucioneve të përfshira...

Vrasja e ish-deputetit, Artan Hoxha nxjerr videon

Kristian Klemendit dhe Marjan Kolës, të dyshuar për vrasjen e Pashko Ujkës u është komunikuar arrestimi ditën e sotme. Edhe pse ata kanë mohuar...