Ish-ministri i Drejtësisë, Ylli Manjani, ka komentuar propozimin e PD-së për dënimin me burg për atë që zgjidhet me vota të vjedhura. Me anë të një statusi në rrjetet sociale, Manjani tregohet i ashpër me kryedemokratin Basha, duke i thënë ta marrë seriozisht idenë e dorëheqjes dhe të nevojës emergjente që ka për të mësuar si të bëjë politikë pa Prokurori e Kod Penal!
Reagimi në fjalë vjen pasi Partia Demokratike do të propozojë ndryshimin e Kodit Penal që parashikon ashpërsimin e dënimeve për këdo që kryen krime zgjedhore. Propozimi ka si referencë Kodin Penal Italian, ndërsa parashikohen 22 vite burg dhe përjashtim nga politika për çdokënd që zgjedhjet me votat e kriminelëve.
PD do të propozojë ashpërsim të dënimit për krimet zgjedhore. Ndryshimet të cilat do të propozohen në Kodin Penal, sipas demokratëve janë në përputhje me Kodin Penal Italian i cili parashikon që politikanët që zgjidhen me votat e kriminelëve dënohen me 22 vjet dhe u ndalohet përjetësisht ushtrimi i funksioneve publike.
Statusi
“20 vite burg për atë që zgjidhet me vota të vjedhura”- propozon Luli.
Vazhdon bën politikë me Kodin Penal, SPAK e prokurorinë. E çfarë politike pa?! Burg për të zgjedhurin dhe dekoratë për hajdutin!!! Më shumë burg për një të zgjedhur sesa për një dhunues apo pastrues parash fjala vjen… Se ata që rrefuzojnë të dëshmojnë para drejtësisë nuk i përmend…
Dmth, po nuk të zgjodhi Luli deputet duhet të të zgjedhë Prokuroria!!! Ndryshe nuk quhet. Populli ska asnjë rol në zgjedhje!!!
Po ta lemë mënjanë budallëkun në atë që propozon, si ka mundësi që një politikan proçesin elektoral e quan gjithmonë proçes penal?!
E ka fiksim që ti çojë të gjithë të zgjedhurit në prokurori.
Ndoshta ngaqë shkon vetë shpesh andej dhe me ç’duket do të duhet të vijojë të shkojë për kohë të gjatë, i duket normale që atje duhet të shkojnë të gjithë…
Dmth ky as ka e as pati ndonjëherë haber në politikë. Zaten prandaj vetëm humb.
****
Shih mor zotni ndonjë punë tjetër se megjithmend s’qenke për këtë punë!
Merre seriozisht idenë e dorëheqjes dhe të nevojës emergjente që ke për të mësuar si të bësh politikë pa Prokurori e Kod Penal!
Dhe mos rrefuzo dëshminë para drejtësisë, si fillim!
Shko iher atje, dëshmo, pastaj na trego për propozimet hajvançe që ke në kokë!
Pffffff….
