E premte, 3 Dhjetor, 2021
13.5 C
Tirana

“21 Janari”/Klosi: Berisha përgjegjës kryesor i masakrës, SPAK të hapë dosjen

Sot shënohen nëntë vite nga “21 Janari” i vitit 2011, dita kur gjatë protestës së Partisë Socialiste në bulevardin “Dëshmorët e Kombit” para Kryeministrisë u vranë katër protestues nga Garda e Republikës. Më konkretisht, në atë protestë mbetën të vrarë Aleks Nika, Ziver Veizi, Hekuran Deda dhe Faik Myrtaj. Por edhe pse kanë kaluar kaq vite, kjo tragjedi ka mbetur ende pa u zbardhur. Familjarët e katër protestuesve të vrarë kërkojnë drejtësi, ndërsa sytë e tyre janë tek organet e reja të drejtësisë, e sidomos Struktura e Posaçme Antikorrupsion.

Berisha përgjegjës kryesor i masakrës

Në lidhje me këtë ngjarje, ditën e djeshme ka folur edhe ish-kreu i Shërbimit Informativ Shtetëror, Fatos Klosi. Ky i fundit gjatë një prononcimi për gazetën “SOT”, akuzoi ish-kryeministrin Sali Berisha se është përgjegjësi kryesor për këtë masakër, ndërsa shtoi se ka ardhur koha që të vendoset drejtësi për këtë çështje. Në këtë pikë, zoti Klosi theksoi se është e turpshme se si i shpëtuan drejtësisë personat që dhanë urdhrin për të vrarë katër protestuesit e pafajshëm në bulevard, ndërsa kërkoi nga SPAK që të hapë dosjen, pasi sipas tij, nëse ekziston vullneti kjo çështje është lehtësisht e zbardhshme.

“Me ato vendime që u dhanë për “21 Janarin”, mendoj se janë dhënë vendimet më qesharake të mundshme, ku u quajtën përgjegjës për ngjarjen ca njerëz që thjesht kanë zbatuar urdhrat. Ndërkohë që, ata që dhanë urdhrat për të vrarë 4 protestuesit e pafajshëm në bulevard, nuk u përmendën fare.

Ndërkohë, sa i takon krimit nuk mund ta quaj krim shtetëror vrasjen e 4 protestuesve, pasi shteti dhe qeveria e kohës nuk e kishte të nevojshme të bënte atë krim. “21 Janarin” e bënë ata persona, sikundër janë ish-kryeministri Sali Berisha dhe të tjerët më poshtë. Kështu që, nga kjo pikëpamje mendoj se duhet të vendoset drejtësi për “21 Janarin” dhe besoj se po të dojë drejtësia e re, sidomos SPAK nuk e ka fare të vështirë për të vendosur dhe për të çuar para drejtësisë përgjegjësit e kësaj tragjedie”, deklaroi zoti Klosi për gazetën “SOT”.

Lexo edhe :   4 mijë euro për gradën "Nënkomisar", SPAK del me njoftimin e rëndësishëm

“21 Janari”, përgjegjësit të dalin para drejtësisë

Duke e kthyer kokën pas në 21 Janar të vitit 2011, ish-kreu i Shërbimit Informativ Shtetëror, Fatos Klosi, i cili ka qenë edhe vetë i pranishëm në atë protestë, theksoi gjatë prononcimit të tij për gazetën “SOT”, se asokohe qeveria e drejtuar nga Sali Berisha u soll keq me protestuesit paqësor. Në këtë kontekst, zoti Klosi u shpreh se fajtori i vetëm i kësaj tragjedia është Berisha dhe njerëzit e tij, ndërsa shtoi se ngjarje të kësaj natyre duhet të zbardhen, nëse Shqipëria do të tregojë se është një shtet i fortë.

Lexo edhe :   Ka vetëm një kënd që e bën takimin e 11 dhjetorit

Sipas tij, për hir të katër viktimave dhe familjarëve të tyre përgjegjësit e “21 Janarit” duhet të dalin para drejtësisë. “Shiko! “21 Janari” i vitit 2011 mbahet mend si një ditë e egër, ku qeveria e asaj kohe u soll vërtet shumë egër me demonstruesit para bulevardit “Dëshmorët e Kombit”, duke shkaktuar një tragjedi të madhe. Por sot kur jemi gati 9 vite pas dhe në një kohë që ju përmendët fjalën drejtësi, dua të shtoj se sigurisht që drejtësia asnjëherë nuk është tepër sidomos në kësisoj rastesh. Sa herë që drejtësia mungon, do të thotë se diçka nuk ecën në një vend. Kështu që, sa i takon kësaj ngjarje është tepër e domosdoshme që të bëhet drejtësi dhe përgjegjësit të dalin para drejtësisë”, nënvizoi ish-kreu i Shërbimit Informativ Shtetëror, Fatos Klosi, gjatë prononcimit për gazetën “SOT”.

 

- Reklama -

Më shumë nga kategoria




Të fundit

Sfida mes një intelektuali që kërkon të vërtetën dhe një politikani që gënjen

Nga: Andi Bushati Ka një aksiomë të mirënjohur që shpjegon përplasjen e një politikani me një intelektual në arenën publike: Sipas saj, i pari tenton...

S’donte të bënte vaksinën, italiani shkoi me krahun prej silikoni

Disa mund të akuzohen se po përpiqen t'i shmangen sistemit për të marrë një certifikatë vaksine, por mbase askush nuk është aq i shkathët...

S’ka më lavazhe e servise makinash poshtë pallateve!Veliaj tregon masat e reja

Kryebashkiaku i Tiranës, Erion Veliaj, gjatë një dëgjese të zhvilluar me ministren e Mjedisit dhe Turizmit, Mirela Kumbaro, dhe përfaqësues të institucioneve të përfshira...

Vrasja e ish-deputetit, Artan Hoxha nxjerr videon

Kristian Klemendit dhe Marjan Kolës, të dyshuar për vrasjen e Pashko Ujkës u është komunikuar arrestimi ditën e sotme. Edhe pse ata kanë mohuar...

I gjithë rrjeti kundër Beatrix, reagon nëna e këngëtares

Beatrix Ramosaj me Donald Veshajn pranuan publikisht se kishin pëlqim për njëri-tjetrin dhe mbrëmë dhanë edhe puthjen e parë. Por pas kësaj puthje, i...