E enjte, 16 Shtator, 2021
32.5 C
Tirana

200 milionë doza vaksinash për vendet e varfra 

Bashkimi Evropian premton t’u dhurojë 200 milionë doza vaksinash kundër COVID-19, vendeve me të ardhura të ulëta deri në mesin e vitit 2022.

Presidentja e Komisionit Evropian Ursula von der Leyen e bëri premtimin të mërkurën në Strasburg të Francës gjatë fjalimit të saj vjetor para Parlamentit Evropian.

Zonja Von der Leyen tha se 200 milionë dozat janë krahas atyre të premtuara më parë prej 250 milionë dozash, duke i cilësuar si “një investim për solidaritet dhe në funksion të shëndetit global”.

Ajo tha se “shkalla e padrejtësisë dhe niveli i urgjencës është i dukshëm” në kushtet kur më pak se 1% të të gjitha dozave në nivel global janë injektuar në vendet me të ardhura të ulëta dhe të mesme.

“Le të bëjmë gjithçka të mundshme në mënyrë që të mos kthehet në një pandemi të të pavaksinuarve”, u tha ajo ligjvënësve të BE-së.

Ndërkohë, zyrtarët e ushtrisë amerikane lëshuan një urdhër për vaksinimin e detyrueshëm të të gjithë personelit me uniformë. Ata thanë se presin që të gjithë ushtarët në detyrë të vaksinohen plotësisht kundër COVID-19 deri më 15 dhjetor, ndërsa kanë vendosur një afat deri më 30 qershor 2022 për të gjithë ushtarët në rezervë dhe Gardën Kombëtare.

Në deklaratë thuhej se ushtarët që refuzojnë vaksinimin duhet “të këshillohen fillimisht me zinxhirin e tyre të komandës dhe ofruesit e shërbimit shëndetësor”, por paralajmëruan se nëse ata vazhdojnë të refuzojnë do të pezullohen nga detyrat ose largohen nga shërbimi. /VOA

Lexo edhe :   Paradoksi i "Epokës Merkel" në Ballkanin Perëndimor
- Reklama -

Më shumë nga kategoria




Të fundit

E vetmja mënyrë për të trembur Ramën

Nga: Dritan Hila Tashmë që janë trajtuar të gjitha variablet e seriozitetit apo ambiguitetit të sjelljes së Bashës ndaj Berishës dhe pasojat që do ketë...

Nëndetëset me energji bërthamore, Kina denoncon paktin SHBA-Britani-Australi

Kina ka denoncuar një pakt historik të sigurisë midis SHBA, Britanisë së Madhe dhe Australisë, duke e përshkruar aleancën si "jashtëzakonisht të papërgjegjshme" dhe...

Mësimi nga mençuria e gjyqtarit Learned Hand

Nga: Irena Beqiraj Po jetojmë një periudhë të çmendur “skepticizmi” ndaj Amerikës. Mesazhet e shumë zyrtarëve të saj duken butaforike. Por historia na tregon që...

I zhdukur prej dy ditësh, 39-vjeçari gjendet pa shenja jete

Policia e Tiranës njofton se është gjetur pa shenja jete një 39-vjeçar në zonën e quajtur "Kodrat e Selitës". Policia ka indentifikuar viktimën, shtetasi...

“Shqipëria do monitorohet nga kamerat”, ministri Çuçi zbulon planin

Ministri i Brendshëm, Bledi Çuçi, ka zbuluar sot në Kuvend objektivat e dikasterit që ai drejton në 4 vitet e ardhshme të 'Qeverisë Rama'....