Një rast i pazakontë çuditi mbarë opinionin italian sot. Një zonjë nga kryeqyteti roman u zbulua se kishte plot 20 vite që hiqej si shtatzënë, duke mashtruar kështu autoritetet dhe institucionet italiane.
50-vjeçarja prej vitit 2000 figuron se ka marrë raporte për 16 shtatzëni, 12 aborte dhe 4 fëmijë të cilët rezultojnë të regjistruar në regjistrat civilë por që në fakt nuk kanë lindur kurrë.
Sipas dokumentacionit, ajo ka deklaruar shtatëzani të rrezikuara dhe ka qëndruar në regjim shtrati pa mundur të jetë prezente në punë. Vetëm pak ditë më parë, autoritetet e policisë e kanë demaskuar zonjën nëpërmjet fotografive, duke bërë pazar në supermarket dhe me barkun e sheshtë.
Ende nuk dihet cilët janë bashkëpunëtorët që e kanë ndihmuar të regjistrojë 4 fëmijë të palindur por çështja është në hetim. E sigurt deri tani dihet vetëm shifra që ajo i ka marrë gjatë këtyre viteve shtetit italian: plot 100 mijë euro! /Tirana Today
