Juristja e njohur shqiptare, Eni Çobani, ka bërë publik një fakt që jo çdokush e dinte, ku jeton prej 20 vitesh me prindërit e bashkëshortit. Ajo ndjehet krenare për ta, madje kanë qënë një krahë i fortë, pasi kanë asistuar edhe në rritjen e djalit të saj.
Çobani ishte e ftuar në emisionin ‘Soiree’, për një mbrëmje e cila ishte e gjitha dedikuar grave dhe vajzave. Gjatë fundit të bisedës, të ftuarit po diskutonin lidhur me lidhjen bashkëshortore dhe lirisë për të jetuar veçmas prindërve.
“Jam shumë krenare për atë djalë që kam bërë. Kështu dua t’i them edhe prindërve të bashkëshortit tim. Sepse kanë një kontribut fantastik. Unë jam një grua që kam jetuar 20 vite me prindërit e bashkëshortit. Unë jetoj me ta. Nuk më janë rënduar kurrë!”, ka thënë ajo.
E pyetur nëse ka patur ndonjëherë ndonjë konflikt me vjehrrën, Eni është përgjigjur: “Po ti këmben fjalë me vete, jo me të tjerët!”.
