E hënë, 16 Maj, 2022
27.5 C
Tirana

“20 mijë nxënës mësojnë në klasa kolektive”, Kushi zbulon vendimin e fundit

Teksa raportonte në Komisionin Parlamentar të Ekonomisë për projektbuxhetin 2022, Ministrja e Arsimit, Evis Kushi, tha se rreth 20 mijë nxënës në vendin tonë mësojnë në klasa kolektive.

Problemi i klasave kolektive në zona periferike lidhet ngushtë me transportin, pasi infrastruktura është e vështirë dhe çmimi i biletës kushton.

Për të zgjidhur këtë problem, ministrja tha se kanë nisur një VKM që do rrisë me 50% financimin për transportin e nxënësve, dhe kjo është drejt miratimit në Këshillin e Ministrave.

“Shërbimi i transportit ka qenë një problem shumë i theksuar, i cili lidhet ngushtë dhe me ekzistencën e klasave kolektive. Ne kemi realizuar një reformë në përqendrimin e shkollave, apo në uljen e numrit të nxënësve që mësojnë në klasa kolektive. E vërteta është se kemi një numër të caktuar nxënësish, rreth 20 mijë që mësojnë në klasa kolektive.

Kjo është e lidhur me transportin. Sepse edhe infrastruktura atje është e vështirë, por edhe çmimi i biletës, shpesh procedurat që organizohen nga drejtoritë rajonale për transportin e nxënësve dështojnë, sepse operatorët s’janë të interesuar të marrin nxënës nga zona të largëta për një çmim që është i ulët.

Prandaj ne kemi filluar VKM që do rrisë me 50% financimin për transportin e nxënësve. Jemi në përfundim të procedurës. Së shpejti do miratohet në Këshill të Ministrave, por ndërkohë ne kemi arritur që të përfshijmë në buxhetin e vitit që vjen, fondin prej 950 milionë lekë që është i dedikuar pikërisht për transportin e nxënësve dhe të mësuesve.

Është fjala 35 mijë nxënës që kanë vendbanim mbi 2 km larg nga shkolla dhe 12 mijë mësues që punojnë mbi 5 km larg nga vendbanimi i tyre”, tha Kushi.

- Reklama -

Më shumë nga kategoria




Të fundit

Strategjia detare 2035

NGA GJENERAL PIRO AHMETAJ Shqipëria jonë është e bekuar me mbi 450 km vijë bregdetare, ndërsa hapësira e interesave detare (det i brendshëm dhe territorial)...

Deklaratat për SPAK/ Hajdari: Politika të qëndrojë larg drejtësisë, “peshqit e mëdhenj” janë në rrjetë

Në daljet e fundit për mediat, kryeministri Rama është shprehur se po pret me padurim që SPAK-u të godasë nga të katër anët. Duket...

Plagoset ish kandidati për kreun e PS-së, ngjarja në lokalin e reperit të njohur

Ish-kandidati për kreun e Partisë Socialiste në Durrës, Ardit Kërtusha, është plagosur me armë zjarri mesditën e sotme. Ngjarja ka ndodhur në një lokal në...

Gazeta austriake zbulon skandalin e madh, stafi i Metës vihet në lëvizje. Ja çfarë do ndodhë

Presidenca ka reaguar pas artikullit në gazetën austriake "Kronen Zeitung", duke i cilësuar si shpifje dhe gënjeshtra të fabrikuara. Reagimi është përcjellë nga ana...

SPAK mes PD dhe PS

Dikur PD e drejtuar nga Lulzim Basha nuk besonte te SPAK, por më pas jo vetëm depozitoi disa denoncime por kërkoi i pari që...